想死~

可能多日失眠關係,
今朝一起身頭暈.
之後眼前一黑咗2秒,
好彩我坐咗一陣就無事.
但係咁出冷汗囉!
之後慢慢行去巴士站安全返到公司.
因為星期一關係,
今日醫生唔係到.
所以繼續仔休息下.
中午同亞Min+表姐落街食煙.
討論我最近情緒有d問題,
佢哋見意我多d約朋友去街.
原因我身邊果個唔係好識關心人,
同朋友去街傾下、輕鬆下對我有幫助.
其實以前我係一個好多嘢講,
好鍾意笑嘅人.
唔知點解依家變成咁........
亞min佢好好,
讓我今日早走,
臨走前仲叫我今晚唔好煮飯.
瞓唔到都係床休息下.(so sweet)
今晚再瞓唔到我會死,
睡魔你唔好唔記得我先得ar.

我的減肥之旅開始喇~

今朝一早起身,
9：15am就返到公司嘆早餐,
一口氣食晒盒米粉"正"
之後就要開始我減肥之旅的第一天(加油)
都唔明d人,約10點就9：30am嚟~
入到嚟又唔講自己係邊個,
當正自己係明星。
痴q線!
今日唔算十分多人,
但啲人好Q煩!
攪到我燥燥地~
不過總數捱過…
放工返到屋企要幫gucci沖澡剪毛,
之後去花師奶到食飯!
食完飯返屋企沖澡瞓覺,
聽日一早起身去埋線.
失眠咗好多日,
希望今晚瞓到啦~

好嬲呀~~

決定咗之後心情都好好多,
既然佢將來都唔會係我老公,
我覺得唔好太執著!
所以尋晚我自己瞓都ok,
不過佢成晚行嚟行去攪到我瞓得唔好
最後都要食藥!
今朝老闆又去咗做手術,
下妟勁多人呀~
好彩都順順利利唔洗OT.
之後同亞MIN去睇減肥,
點知自己睇埋一份.
頂!!埋線仲肥咗,
晒咗好多錢呀!!!!!

放下一切,心情靚靚

決定咗之後心情都好好多,
既然佢將來都唔會係我老公,
我覺得唔好太執著!
所以尋晚我自己瞓都ok,
不過佢成晚行嚟行去攪到我瞓得唔好
最後都要食藥!
今朝老闆又去咗做手術,
下妟勁多人呀~
好彩都順順利利唔洗OT.
之後同亞MIN去睇減肥,
點知自己睇埋一份.
頂!!埋線仲肥咗,
晒咗好多錢呀!!!!!

一切都在變~

你一句,你明?你明我D咩呀!
我已經感覺到自己好討厭,
我d眼淚認唔住流出嚟!
3年!我係到做已經3年,
我老闆第一次見我喊,好失禮~
我哋嘅感情比想像中更差,
好彩仲未結婚。
我諗依家開始要為自己打算一下！

FUCK

我頂你個肺,你whatsapp問我攪咩!
同你講過覺得依家咁樣相處有問題就有問題ar啦~
係。。。。你覺得無問題啫。
問題係我提出即係我覺得有問題,
你單止無好好同我傾下。
依家仲覺得我搵嘢嚟攪,
成日發皮氣。
你有無諗過我哋一齊返果陣係點~
晚晚一齊傾計睇電視,
有時傾計仲傾到天光。
你話媽仲話邊到有咁多嘢傾。
你依家同我講生活係咁ar啦~
邊度有咁多嘢講。
我即刻"0"晒嘴囉!

累

尋日收工返到屋企5點幾,
咪立即沖涼跳上床瞓囉~
點知瞓極都瞓唔到,
反而大喊一場。
尼幾日我都唔知喊過幾多次喇!
之後食粒安眠瞓到凌晨點幾又醒左,
行出去洗手間又見佢對住部腦,
突然之間覺得我同佢只係同屋主。
返入房!只感覺到孤獨嘅感覺,
我只好再食粒安眠藥繼續瞓下去。
今朝鬧鐘一嚮,
我立即梳洗只想盡快離開。
我哋點解會變成咁!

有無攪錯~

自從同返eddie一齊,我同佢嘅事只可以報喜不報優.
因為當初所有人都唔讚成.
我有唔開心之前都可以同表姐講下.
但自從舅父件事之後.......
所以我由今日開始要係啲度發洩一下.
一開始我同eddie尼段感情好有信心,
因為分開過4年都可以一齊返,
我哋以後一定可以恩恩愛愛到老.
點知依家先年幾就開始出現問題.
我哋依家已經無咩講,
仲點落去???
當年你嘅情人知己去咗邊???
係咪係我嘅問題令到你無嘢同我講?!
令到你要成日對住部電視同電腦果個係我!
同我啱啱返嚟完全唔同,
當然我自己都有責任.
但你覺得完全無問題??
我都唔記得有幾多晚係我自己一個瞓.....
你成日問我嬲咩!
又或者覺得我又發神經.
我無嬲任何人,條路係我自己選擇.
今日放早,我根本唔想返屋企.
好唔開心,你返嚟問完我又如何.
結果始終都係一樣.
因為我高估咗你對我嘅感情.
預期無結果,不如食粒安眠藥痛痛快快咁瞓!

點解咁快變成咁~

我真係無咁快變成咁,

我同你講過你居然覺得無問題。

仲話生活就係咁。

原來兩個人一齊生活,每日起身、返工放工買餸煮飯好似好正常,

但有無諗過食完飯之後一個係廳,一個係房睇電視。

全晚零交流會點?

我哋住埋一齊年幾已經變成咁,好難想像點繼續落去。

記得你曾經講過,我同你嘅關系好微妙。

我係你女朋友,又係一個傾到計嘅朋友!

不過已經6年前嘅事。

尋日你知我嬲,我一返嚟你氹我!我一心諗住 ok啦!你仲緊張我。

我平時12點就瞓,我12點幾入房等。等到2點你都無入嚟。

唔係打機就睇電視上網。每日都係咁。。。。

跟本好似我自己一個人住。今日我記低我嘅感受,將來如果我真係要離開你或有者我變咗另一個人,你唔好怪我。

我亦無打算再同你傾!因為我曾經問過你,你覺得無問題,你就當我發神經,最好你好頂我唔順叫分手~

如果長始落去比死更難受~